“İnter”in Avropa Liqasının II təsnifat mərhələsindəki rəqibi olan Yunanıstanın “Asteras” klubu transfer çalışmalarını davam etdirir.
Korner.az-ın məlumatına görə, Tripolis şəhərinin təmsilçisi heyətinə daha bir futbolçu qatıb.
Belə ki, “Asteras” Lefteris Qialusislə anlaşıb. 26 yaşlı müdafiəçi ilə iki illik müqavilə bağlanıb. O, “Erqotelis” klubundan transfer olunub.
Qeyd edək ki, “Asteras” Avropa Liqasının II təsnifat mərhələsində “İnter” – “Trans” cütünün qalibi ilə qarşılaşacaq. Bu gün “Trans”la cavab oyununa çıxacaq “İnter” ilk oyunda 5:0 hesablı qələbə qazandığından cütün taleyini həll edib.