UEFA Avropa Liqasının ilkin təsnifat mərhələsinin cavab oyunları çərçivəsində Moldovanın "Triaspol" klubu ilə qarşılaşacaq "İnter" hazırlıqlarını davam etdirir.
Bu barədə Korner.az saytına açıqlamasında klubun mətbuat xidmətinin rəhbəri Səbuhi Məmmədov məlumat verib.
Onun sözlərinə görə komanda ötən şənbə bərpa məşqi edib.Bazar günündən isə hazırlıqlara start verilib.Komandanın bugün də məşqlərinin olacağı qeyd edilib.
Heyətdə zədəli futbolçuların olub-olmaması ilə bağlı sualımıza klub rəsmisi ciddi zədəli oyunçuların olmadığını bildirdi.
Qeyd edək ki, "İnter"-"Triaspol" cavab qarşılaşması iyulun 10-da "Şəfa" stadionunda baş tutacaq.
