Son mövsümün bürünc mükafatçısı olan Qəbələ şəhərinin eyniadlı klubu Avropa Liqasında ilk təsnifat mərhələsində "Şiroki Briyeq"lə qarşılaşacağı cavab oyununun hakimini tanıyıb.
Korner.az-ın məlumatına görə, "qırmızı-qaralar" Bosniya və Herseqovinada slovakiyalı hakimin ədalətinə güvənəcək. Qarşılaşmanı Vladimir Vnuk idarə edəcək. FİFA referisinin idarə edəcəyi oyun Bakı vaxtı ilə 22:30-da başlayacaq.
Qeyd edək ki, Qəbələdə keçirilən ilk qarşılaşmada Bosniya təmsilçisi meydandan 2:0 hesabı ilə qalib ayrılmışdı.