“İnter”in rəsmi saytı komandanın 2012/13-cü il mövsümündəki göstəricilərilə bağlı məlumat dərc edib.
Korner.az-ın məlumatına görə, yekuna həsr olunmuş birinci materialda keçirilmiş oyunlar, qazanılmış xallar, vurulmuş və buraxılmış qollar qeydə olunub.
2012/13-cü il mövsümündə "bankirlər" 32 matç keçirdi və bu oyunlarda 57 xal topladı. Keçirilən matçlarda 16 qələbə əldə etdi, 9 qarşılaşmanı sülhlə yekunlaşdırdı və 7 dəfə məğlub oldu. 32 oyunda “İnter” 38 dəfə rəqiblərin qapısına yol tapa bildi və qapısında cəmi 22 qol gördü.
Mövsümdə qələbə sayına görə “İnter” yalnız çempionatı birinci yerdə başa vuran “Neftçi”yə uduzur. Komandanın əldə etdiyi qələbə qədər(16), yalnız “Qarabağ” və AZAL aktivlərinə yazmağı bacardı. Məğlubiyyət sayına görə (7) “İnter” yalnız cəmi 5 dəfə məğlub olan “Qarabağ”dan geri qalır.
16 ev oyunlarında “İnter” 10 dəfə qalib gəldi, 5 matç heç-heçə başa çatdı və yalnız bir dəfə rəqibə yenildi. Yeganə ev məğlubiyyətini “İnter” 24-cü turda “Neftçi”dən almışdı(0:1). Bu matçlarda Kaxaber Sxadadzenin yetirmələri 22 qol vurdular və 6 dəfə oyuna mərkəzdən başladılar. Səfər matçlarının statistikası belədi: 6 qələbə, 4 heç-heçə və 6 məğlubiyyət, toplar 16-16.
32 oyunda vurulan 38 qol (hər oyunda orta hesabla 1,18 qol)-bu, mövsümdə məhsuldarlığa görə 6-cı göstəcidi. Daha çox qola “Nefttçi”, AZAL, “Rəvan”, “Qarabağ” və “Xəzər-Lənkəran” imza atdı. Buraxılmış qolların sayına görə “İnter” mövsümdə ən yaxşı göstəriciyə malikdi.
“İnter”in ən uzun məğlubiyyətsizlik seriyası 10 oyun təşkil etdi. Həmin seriya 3-cü turda “Xəzər-Lənkəran”a qarşı keçirdiyi oyun (0:0) zamanı başlamış və “Simurq”la(1:0) matçda başa çatmışdı. “İnter”in keçirdiyi oyunlarda ən populyar hesab 1:0-dır Belə hesabla başa çatan oyunların sayı 8-ə bərabərdi və 4 oyun bu nəticəylə həm “İnter”in , həm də rəqiblərin xeyrinə yekunlaşmışdı.
Çempionatın oyunlarında “İnter”ə 2 dəfə əzmkar qələbə qazanmaq müyəssər oldu. 4-cü tur “Turan”la oyunda 2:1 hesabıyla məğlub durumda olduğu halda, “İnter” yekunda 3 xal qazanmağı bacarmışdı – 3:2. Digər iradəli qələbə 11-tura təsadüf edir. “Kəpəz”lə oyunda 1:0 hesabıyla məğlub olduğu zaman komanda nəticədə 3:1 hesabıyla qalib gəlmişdi.
Hamıdan çox, 3 dəfə “İnter” 2 komandaya qalib gəlmişdi: “Qəbələ” və “Bakı”. Bununla yanaşı, “İnter”ə “Qarabağ”ı, “Neftçi”ni və AZAL-ı bir dəfə də məğlub edə bilmədi. AZAL "İnrer"in çempionat ərzində qapısına yol tapa bilmədiyi yeganə komanda oldu.
