"Neftçi"nin futbolçusu Rəşad Sadiqov “Xəzər Lənkəran”la Azərbaycan kuboku uğrunda final oyunu öncəsi təşkil olunan mətbuat konfransında prinsipial qarşılaşma ilə bağölı fikirlərini bildirib.
Korner.az-ın məlumatına görə, paytaxt klubunun kapitanı “qzıl dubl” şansını əldən buraxmamağa çalışacaqlarını bildirib:
“Çempionluq kimi kubok da bizim üçün önəmlidir. Sabah növbəti uğurumuzu qazanmaq istəyirik. Biz peşıkarıq və oyunun əhəmiyyətini başa düşürük. Çempionatla kubok fərqli turnirdir. Ancaq biz hər ikisində qələbəni qarşımıza məqsəd qoymuşuq. Çempionatda buna nail olduq. İndi kubokun qalibi olmaq istəyirik. Çalışacağıq ki, burada da şansı əldən verməyək. Buna da nail olsaq, növbəti mövsümün startı öncəsi yaxşı motivasiya olunacağıq”
