Növbəti mövsümdən ölkəmizi Avroliqada təmsil edəcək paytaxtın “İnter” klubu bu gün təlim-məşq toplanışının ikinci mərhələsi üçün Avstriyaya yola düşüb. Klub burada 5 yoxlama görüşündə qüvvəsini sınayacaq.
Korner.az klubun rəsmi saytına istinadən məlumat verir ki, “Bankirlər”in yoxlama görüşündə qarşılaşacağı iki rəqibinin adı artıq məlumdur.
Sözügedən klublar Avstriyanın “Ştrum” və Macarıstanın “Haladas” komandalarıdı. Paytaxt təmsilçisinin yoxlama matçları iyunun 16, 19, 23, 25 və 27-si tarixlərində baş tutacaq. Qalan 3 rəqibin kimliyinə isə yaxın günlərdə aydınlıq gələcək.
