Xorvatiya millisinin futbolçusu Domaqoj Vida ilə İngiltərə Premyer Liqasında mübarizə aparan “Stok Siti”, “Uest Hem” və “Everton” klubları maraqlanır.
Korner.az-ın məlumatına görə, bu haqda “Mirror” xəbər yayıb.
“Dinamo”da (Kiyev) çıxış edən müdafiəçi ilə “Sanderlend”in də maraqlandığı bildirilir. 1 ildir ki, Vidanı izləyən klubun Premyer Liqada son sırada yer alması transferin reallaşmamasına səbəb olur.
Qeyd edək ki, son zamanlar adı Türkiyənin “Qalatasaray” və “Beşiktaş” klubları ilə hallanan 27 yaşlı oyuunçu 2013-cü ildə Zaqreb “Dinamo”sundan 5 milyon avro qarşılığında Kiyev “Dinamo”suna transfer olunmuşdu.
