Artıq bu gün Topaz Premyer Liqasında növbəti- 2015-16 mövsümü start götürür. 10 komandanın yarışacağı (“Qarabağ”, “İnter”, “Qəbələ”, “Neftçi”, “Xəzər Lənkəran”,”AZAL, “Zirə”, “Kəpəz”, “Sumqayıt”, “Rəvan”) mövsümdən gözləntilər yetərincə böyükdür. Güman edirik ki, bu dəfə bir çox çatışmamazlıqlar aradan qaldırılacaq və azarkeşlər daha maraqlı, səviyyəli qarşılaşmalara tamaşa edə biləcək. Biz də növbəmizdə idman mediasında fəaliyyət göstərən həmkarlarımızla əlaqə saxlayıb, növbəti mövsümlə bağlı fikirlərini öyrəndik.
Amal Abuşov (Futbol+ qəzeti): “Qısaca onu deyim ki, yeni mövsümdən xüsusi gözləntim yoxdu. Sıradan bir mövsüm olacaq, mükafat üçün mübarizə aparanlar və gününü keçirənlər meydana çıxacaq, topu ora-bura qovacaqlar. Elxan Məmmədovun Azərbaycan futbolunda əl atmadığı yeganə sahə klublar və Premyer Liqa idi. Artıq ölkə çempionatı da milli komandamız kimi miskin görkəmə salındı. Bu il ərzində nəinki çatışmamazlıq aradan qaldırmaq olar, əksinə, qüsurlar daha da artacaq. Konkret, "Kəpəz"in mövsümün sonuna qədər davam gətirəcəyi, AZAL-la "İnter"in qışdan sonra hansı vəziyyətə düşəcəyi, "Rəvan"ın qısa müddətdə necə komanda formalaşdıracağı qaranlıqdı. Çempionat oyunlarının televiziya ekranlarından yayınlanması belə böyük sual altındadı. PFL-in üzərinə çox ağır yük düşəcək. Ümid edək ki, çempionatı sona çatdırmaq mümkün olacaq.”
Elçin Cəlilov (futbolpress.az saytı): “Növbәti mövsümdәn әvvәlkilәrә nisbәtәn daha orijinallıq gözlәyirәm. İndi futbolda әvvәlki pullar yoxdu, ona görә dә iş görmәk üçün biliyә, tәcrübәyә ehtiyac olacaq. İndiyәdәk isә işlәr pulun gücünә görülürdü. Klubları savadsızlar bürümüşdü. Bundan sonra rәqabәt pullu yox, hәm dә kadr balansı ilә gedәcәk. Bundan başqa, düşünürәm ki, növbәti mövsüm daha aktiv keçәcәk. Oyunlar geridә qalan mövsümlә müqayisәdә baxımlı keçәcәk. Çatışmazlıqlara gәlәndәysә, burda sadalanası nüanslar çoxdur, ancaq әsas mәsәlә, liqanın yayımını uğurlu tәşkil etmәkdir. Bir dә, әn vacibi, piar-reklam mәsәlәlәrini aktivlәşdirmәkdir. Futboldan gәlir götürmәyin vaxtıdır. Çempionatda pul xәrclәyәn klublar artıq qazanmaq üçün dә layihәlәr işlәmәlidir. PFL dә tәşkilatçı qismindә aktivliyini artırıb, piar mәsәlәlәrindә rolunu hiss elәtdirmәlidir. Çempionatın sәviyyәsi qalxıb xeyli. Dinamikanın qorunması isә ¢әtin olacaq. Bununçün dә indidәn başlamaq lazımdır.
Rəşad Ergün (komanda.az saytının baş redaktoru ): “Yeni mövsüm yəqin ki, sonuncu mövsüm kimi fiasko olmaz. AFFA və PFL son mövsümdə baş verənlərdən dərs çıxarmış olmalıdı. "Araz Naxçıvan"ın çempionat başlayan kimi dağılması, "Bakı"nın bütün mövsümboyu sürünməsi… Yəqin ki, qarşıdakı mövsümdə eyni rüsvayçılıqlar yaşanmaz. Baxmayaraq ki, "İnter"in taleyi hələ də müəmmalıdı. Klubun əvvəlki futbolçularına böyük məbləğdə borcu var, yeni oyunçuların çoxu ilə müqavilə 6 aylıq nəzərdə tutulub. Təhlükə hələ də var. Çempionatın səviyyəsinə gəlincə, məncə, daha yüksək olacaq. "Qarabağ", "Qəbələ", yenidən iddialı olmaq istəyən "Xəzər Lənkəran", pulsuz da olsa, adına və təmsil etdiyi şəhərə görə "Kəpəz"… Sırf idman mübarizəsi baxımından daha maraqlı çempionat ola bilər. Təbii, ortaya yeni sürprizlər, "rəhmətə gedən" klublar çıxmasa. Hansısa çatışmazlıqların ortadan qaldırılması üçün isə hər şeydən əvvəl pul və ağıl lazımdı. Azərbaycanın futbol təsərrüfatında pul azalıb, futbol idarəçilərinin ağlı isə… Buna da oxucu qərar versin.”
İlqar Tağıyev (“Het- trik news” qəzetinin baş redaktoru): “Bəri başdan deyim ki, bu ilki çempionat sonuncudan fərqlənməyəcək. Ən böyük fərq "Araz Naxçıvan", "Simurq" və "Bakı"nı "Zirə", "Rəvan", "Kəpəz"in əvəz eləməsi və Premyer Liqanın adından Topaz"ın çıxarılmasıdır. Ümumiyyətlə, son illər çempionata maraq xeyli azalıb. Bunun da bir çox səbəbləri var ki, onların əksəriyyəti AFFA-nın apardığı yarıtmaz idarəçilikdir. Bu haqda uzun-uzadı danışmaq istəmirəm. Onsuz da görünən dağa bələdçi lazım deyil. Konkret hansı çatışmazlıqlar aradan qalxmalıdır? Birincisi, bəzi klublar AFFA-nın "papağının atlından" çıxmalıdılar. Yəni, müstəqil olmalıdılar. Düzdür, indiki halda bu, mümkün deyil. Çünki, həmin klublar AFFA-nın himayısindən çıxsa, fəaliyyətlərini dayandıracaqlar. İkincisi, stadionlardan didərgin salınmış azarkeşəri geri qaytarmaq lazımdı. Üçüncüsü, hazırki vəziyyətdə dövlət tərəfindən klublara illik yardım ayrılmalıdı. Bu haqda uzun müddətdi söz-söhbətlər dolaşır. Əgər dövlət belə bir addım atsa, futbolumuzun düşdüyü bataqlıqdan çıxmaq ehtimalı böyükdü. Qısası çatışmazlıqlar çoxdur və onları tədricən, düzgün fəaliyyət göstərməklə aradan qaldırmaq olar. O ki qaldı yenı mövsümdən nə göüzəməyimə, böyük ehtimalla çempionluq mübarizəsi "Qarabağ"la "Qəbələ" arasında gedəcək. "Xəzər Lənkəran", "Neftçi", "İnter" Avroliqa, qalan komandalar isə Premyer Liqada qalmaq uğrunda mübarizə aparacaqlar.
Mahir Rüstəmli (Futbol+ qəzetinin baş redaktoru): "İlk növbədə "Qəbələ" ilə "Qarabağ" arasında ciddi çempionluq mübarizəsi və "Neftçi", "İnter" və "Xəzər Lənkəran"ın onlara rahatlaşmağa imkan verməməsini. Artıq ölkə futbolunda böyük pulların dövr etmədiyini nəzərə alsaq, həm də bir çox yerli istedadın parlayacağına və bununla da Robert Prosineçkinin seçim imkanının genişlənəcəyinə ümid edirəm. Bütün klubların ev oyunlarını öz stadionunda keçirməsini, təxirəsalmaların olmamasını, səviyyəli hakimlik və AFFA İntizam Komitəsinin ayrı-ayrı olaylara yanaşmada ikili standartlardan əl çəkməsnini də arzulayıram."
Ürfan Məmmədzadə
