“Çelsi” və “Barselona”dakı çıxışı ilə məşhurlaşan Eydur Qudyonsen “Qəbələ”nin maraq düşüb.
Korner.az-ın məlumatına görə, bölgə klubu məşhur futbolçunu heyətinə qatmaq istəyir
Belçikanın “Serkl Brügge” klubu ilə müqaviləsi başa çatan məşhur forvardın transfer qiyməti bahadı. Qəbələlilər onunla anlaşmaq üçün hər ilinə 1 milyon dollara yaxın pul ödəməlidi. Qudyonsenin bir şərti də var ki, bu da müqavilə müddətinin minimum ikillik olmasıdı.
Qeyd edək ki, Qudyonsen karyerası ərzində “Valur” (İslandiya, 1994, 17 oyun, 7 qol), PSV (Hollandiya, 1995-1997, 13 oyun, 3 qol), “Reykyavik” (İslandiya, 1998, 6 oyun), “Bolton” (İngiltərə, 1998-2000, 59 oyun, 19 qol), “Çelsi” (İngiltərə, 2000-2006, 186 oyun, 54 qol), “Barselona” (İspaniya, 2006-2009, 72 oyun, 10 qol), “Monako” (Fransa, 2009-2010, 9 oyun), “Tottenhem” (İngiltərə, 2010, 11 oyun, 1 qol), “Stok Siti” (İngiltərə, 2010-2011, 4 oyun), “Fulhem”, (İngiltərə, 2011, 10 oyun, AEK (Yunanıstan, 2011-2012, 10 oyun, 1 qol) və “Serkl Brügge” (Belçika, 2012, 13 oyun, 6 qol) klublarında çıxış edib.
İslandiyanın U-17, U-19 və U-21 yığmalarında çıxış etmiş 34 yaşlı futbolçu 1996-cı ildən çağırıldığı A millidə 68 oyun keçirərək 24 qol vurub. O, karyerası ərzində 1 dəfə Hollandiya çempionluğunu və kubokunu (PSV), 2 dəfə İngiltərə çempionluğunu, 2 dəfə kubokunu və 1 dəfə Liqa Kubokunu (Çelsi), 1 dəfə İspaniya çempionluğunu, 1 dəfə “Kral Kuboku”nu, 1 dəfə İspaniya Super Kubokunu, 1 dəfə Çempionlar Liqasını və 1 dəfə UEFA Super Kubokunu (Barselona) qazanıb.
sportinfo.az
