.JPG)
"Barselona"nın və Argentina millisinin ulduz futbolçusu Lionel Messi bu gün dünyanın ən yaxşı futbolçusu adına layiq görülüb.
Korner.az-ın məlumatına görə, katalonların hücumçusu FİFA və Fransanın “France Football” nəşrinin keçirdiyi sorğunun qalibi olub. Messiyə mükafat İsveçrənin Sürix şəhərindəki tədbirdə verilib.
Lionel Messi bununlada ardıcıl olaraq 4-cü dəfə “Qızıl top”un sahibi olub.
Sürixdəki tədbirdə dünyanın ən yaxşı məşqçisinin adı da açıqlanıb. Avro-2012-nin qalibi olan İspaniya millisinin baş məşqçisi Visente del Boske dünyanın ən yaxşı baş məşqçisi olub.
İkinci yeri Joze Mourinyo (“Real”) və Xosep Qvardiola (“Barselona”) sahib olub.
FİFA 2012-ci il üçün dünyanın rəmzi yığma komandasını da seçib. Bunlar aşağıdakılardır:
İker Kasilyas ("Real"), Dani Alves ("Barselona"), Xerar Pike ("Barselona"), Serxio Ramos ("Real"), Marselo ("Real"), Xabi Alonso ("Real"), Xavi ("Barselona"), İnyesta ("Barselona"), Lionel Messi ("Barselona"), Radamel Falkao ("Atletiko"), Kriştianu Ronaldu ("Real").
2012-ci ilin ən yaxşı qolu isə “Fənərbaxça” və Sloveniya yığmasının üzvi Miroslav Stokun qolu olub. Digər iki və üçüncü yerlərdə müvafiq olaraq Radamel Falkao ilə Neymarın qolları qərarlaşıb.
2012-ci ilin ən yaxşı qadın baş məşqçisi: Pia Sundxaqe (İsveç)
FİFA prezidentinin xüsusi mükafatı: Frans Bekkanbauer
2012-ci ilin Fair play” mükafatı: Özbəkistan Futbol Federasiyası
Qeyd edək ki, sorğuda dünyanın bütün milli komandalarının baş məşqçiləri və kapitanları, həmçinin jurnalistlər iştirak edib.
