2019-cu ildə İnqlvudda (Los-Angeles şəhərinin yaxınlığı) möhtəşəm stadion proyektinin açılışı olacaq. Adı “NFL Disney World” olan arena artıq indidən dünyanın ən bahalı stadionu hesab olunur.
Nəhəng idman arenasınnı qiyməti 2.6-3 milyard dollardı. Bu stadionda ev sahibi amerikan futbolu komandası olan “Los Anceles Reyms” komandası olacaq.
İdeyanın müəllifi “Reyms” komandasının sahibi Sten Kronkedi. O, həm də futbolda “Arsenal”, basketbolda “Denver”, xokkeydə “Kolorado” komandalarının sahibidi.
Stadionun tamaşaçı tutumu 80 min nəfərdi. Digər tədbirlərdə isə 100 minə yaxın tamaşaçı arenaya sığışa bilər.
Bütün stadionun sahəsi 3.1 milyon kvadrat funt təşkil edir. Onların yarısı ofislərə, ticarət mərkəzlərinə, parklara, otellərə və 2500 yaşayış evinə ayrılacaq.
Hava şəraitinin gözlənilməzliyi də stadion üçün problem olmayacaq. Belə anlarda stadion üzərində nəhəng örtük olacaq. Bu həm stadionu həm də ətraf əraziləri yağışdan və digər təbiət hadisələrdən qoruyur.
Stadion rəhbərliyi stadionu “Oklend Rayders” və “San Dieqo Çardçers” stadionları ilə bölüşdürməyi düşünür.
