Futbolçu 5 yaşlı oğlunu öldürdü
06.05.2020 , 18:33
Türkiyənin “Hacettepe” klubunun sabiq futbolçusu Cevher Toktaş amansız qətl törədib.
Korner.az xəbər verir ki, hazırda həvəskar liqada “Bursa Yıldırımspor”da çıxış edən oyunçu 5 yaşlı oğlu Kasımı öldürüb.
33 yaşlı yarımmüdafiəçi hadisədən 11 gün sonra törətdiyi cinayəti etiraf edib. 2008/2009 mövsümündə “Hacettepespor”la Türkiyə Superiqasında çıxış etmiş Cevher Bursada koronavirus şübhəsi ilə xəstəxanaya yerləşdirilən Kasımı aprelin 23-də boğaraq öldürüb.
O, törətdiyi cinayəti məhkəmə zalında soyuqqanlı şəkildə izah edib: “Oğlum kürəyi üstə yatmışdı. Yastığı onun üzünə basdım və 15 dəqiqə saxladım. Oğlum çırpınırdı, amma mən ölənə qədər yastığı basmağa davam etdim”.
