“Azərbaycan milli komandası son zamanlar uğursuz çıxış edərək bizi məyus edir. Millimizin FİFA reytinqində geriləməsi bizi təəssüfləndirir. Əvəzində , 17 və 19 yaşadək futbolçulardan ibarət yığmamız Avropa çempionatının elit raunduna vəsiqə qazandı”.
Korner.az Qol.Az-a istinadən xəbər verir ki, bu sözləri AFFA-nın baş katibi Elxan Məmmədov AFFA-nın Hesabat Konfransında deyib.
“Bundan başqa “Mançester Yunayted”in yay futbol məktəbi Azərbaycanda fəaliyyətə başladı. Belə böyük futbol brendinin Azərbaycanda olması çox vacib haldır. Qeyd edim ki, 153 uşaq və 113 məşqçin yeni yaradılan U-10 liqasına cəlb edilib” – deyə o bildirib.
E.Məmmədov qeyd edib ki, son illər “Neftçi” və “Qarabağ” Avropa Liqasının qrup mərhələsində oyaması sevindiric haldır:
“Bu, Azərbaycan futbolunun bir qədər sabitliyindən xəbər verir. Onu da deyim ki, “Qarabağ” Avroliqada mübarizəni dayandırsa da, azarkeşlərin qəlbində qalib oldu.
AFFA-nın baş katibi qarşıda duran əsas məqsədlərdən də danışıb:
“Əsas məqsədimiz “Avro-2020”in dörd oyununu Bakıda yüksək səviyyədə təşkil etmək və bizim də bu çempionata vəsiqə qazanmağımızdır”.
