İspaniya La Liqasında 29-cu turun oyunları davam edir.
Korner.az-ın məlumatına görə, bu gün turun daha bir oyunu keçirilib.
Madrid “Real”ı öz meydanında milli komandamızın üzvü Eddi İsrafilovun çıxış etdiyi “Qranada”nı qəbul edib.
Görüş meydan sahiblərinin darmadağını ilə başa çatıb – 9:1. Kriştiano Ronaldo beş qola imza atıb.
Qeyd edək ki, E.İsrafilov matçın 56-cı dəqiqəsində meydana daxil olub.
5 aprel
“Real” – “Qranada” – 9:1
Qollar: Beyl, 25 (1:0), Ronaldo, 30, (2:0), 36 (3:0), 38, (4:0), Benzema, 52 (5:0), Ronaldo, 54 (6:0), Benzema, 56 (7:0), İbanez, 74 (7:1), Mainz, 83-avtoqol (8:1), Ronaldo, 90 (9:1)
