Bu gecə Çempionlar Liqasının qrup mərhələsi çərçivəsində ikinci turun oyunlarına start veriləcək.
Korner.az-ın məlumatına görə, 4 qrupda ümumlikdə 8 qarşılaşma baş tutacaq.
E qrupunda son İtaliya çempionu "Yuventus" "Şaxtyor"u sınağa çəkəcək. Qrupun digər oyununda Danimarka təmsilçisi "Nordsjaelland" doğma azarkeşlər önündə "Çelsi"ni məğkub etməyə çalışacaq.
F qrupunda ilk görüşdə qələbə ilə ayrılan iki komanda – BATE və "Bavariya" üz-üzə gələcək. İspaniyada isə "Valensiya" Fransanın "Lill" klubu ilə münasibətlərinə aydınlıq gətirəcək.
G qrupunda Moskvanın "Spartak" klubu Şotlandiyanın "Seltik" klubu ilə qarşılaşacaq. Qrupun lideri "Barselona" isə Portuqaliyada "Benfika"nın qonağı olacaq.
Azərabyacnlı futbol sevərlərin diqqəti isə H qrupuna yönələcək. Belə ki, Türkiyənin "Qalatasaray" klubu öz meydanında "Braqa"nı qəbul edəcək. Qrupun iki lideri "Kluj" və "Mançester Yunayted" Rumıniyada 3 xal uğrunda savaşacaqlar.
2 oktyabr
Çempionlar Liqası, ikinci turun oyunları
E qrupu
23:45. "Yuventus" (İtaliya) – "Şaxtyor" (Ukrayna)
23:45. "Nordsjaelland" (Danimarka) – "Çelsi" (İngiltərə)
F qrupu
23:45. BATE (Belarus) – "Bavariya" (Almaniya)
23:45. "Valensiya" (İspaniya) – "Lill" (Fransa)
G qrupu
21:00. "Spartak" (Moskva, Rusiya) – "Seltik" (Şotlandiya)
23:45. "Benfika" (Portuqaliya) – "Barselona" (İspaniya)
H qrupu
23:45. "CFR Kluj" (Rumıniya) – "Mançester Yunayted" (İngiltərə)
23:45. "Qalatasaray" (Türkiyə) – "Braqa" (Portuqaliya)
