“Xəzər Lənkəran” klubunun futbolçusu Ruslan Abışov FİFA-nın rəsmi saytına müsahibə verib.
Korner.az-ın məlumatına görə, 25 yaşlı futbolçu Azərbaycanda keçirilən 17 yaşadək qızlar arasında dünya çempionatı haqda fikirlərini açıqlayıb:
“Belə mühüm turnir təşkil edən ölkəmlə fəxr edirəm. Çünki dünya çempionatı bizim futbol üçün çox vacibdir. Mən və komanda yoldaşlarım çempionatın bəzi oyunlarına baxdıq. Bütün insanların Azərbaycandakı çempionatı görməsi bizi xoşbəxt edir. Futbolumuzun yaşı çox deyil. Ümid edirəm ki, bu yarış futbolumuzu dünyada tanıtdıracaq”.
Abışov daha sonra DÇ-2014-ün seçmə mərhələsində Israillə oyuna və qarşıdakı Rusiya ilə matça da toxunub:
"Həmin oyuna yaxşı hazırlaşmışdıq, İsraillə oyun məndə xoş hisslər yaşatdı. buna uyğun da oynadıq. Lakin 1 xal qazandıq ki, bundan artığına layiq idik. Həmin heç-heçədən sonra Portuqaliya ilə qarşılaşmada da yaxşı nəticə qazanacağımızı düşünürdük. Amma onlar çox yüksək səviyyəli futbol oynayırlar”.
Etiraf edim ki, İsraillə oyunda fiziki hazırlığımız mükəmməl deyildi. Bunu Portuqaliya ilə qarşılaşmada da hiss etdik. Onda da uduzmağa başladıq. Rusiya isə Portuqaliya səviyyəsində deyil və biz yaxşı nəticəyə ümidliyik”.
Sonda gənc futbolçu daha sonra "Xəzər Lənkəran"dan da danışıb:
“Xəzər Lənkəran”ı ona görə seçdim ki, onların titul qazana biləcəyini hesab edirəm. İndi görürəm ki, bu komandada hər şey yüksək səviyyədədir. Mövsümə yaxşı başlamamışıq. Lakin hələ vaxt var. Biz hər şeyi öz xeyrimizə dəyişə bilərik. Qarşıda hələ zaman var”.
