Azərbaycan milli komandsının sabiq futbolçusu, UEFA B kateqoriyasına sahib olan Sənan Qurbanovun “Qəbələ” – “Xəzər Lənkəran” oyunundan sonra Korner.az-a verdiyi müsahibəsi
-İlk olaraq “Qəbələ”nin “Xəzər Lənkəran”la oyunu haqda nə deyərdin? Bu məğlubiyyətlə “Qəbələ” avrokuboklara getmək işini çətinə salmış oldu…
“Xəzər Lənkəran” daha istəkli oyun nümayiş etdirib qələbə qazandı. Biz çox istəyirdik ki, öz meydanımızda qələbə qazanaq. Lakin alınmadı. Oyunun sonlarına yaxın imkanlarımız olsa da, bundan yararlana bilmədik.
-“Qəbələ” ikinci hissədə nümayiş etdirdiyi oyunu ilk hissədə göstərsəydi, səncə, nəticə necə olacaqdı?
Erkən qol planlarımızı pozdu. Sonradan uşaqlar toparlana bilmədi. Son 10 dəqiqədə daha həvəsli oynasaq da, nəticəni dəyişmək mümkün olmadı. Uşaqlar çox çalışsa da, ən azı bir xalda olsa qazana bimədik.
-Qarşıdan "Qarabağ"la oyun gəlir. Səncə, bu oyunda komanda toparlana biləcəkmi?
Bu məğlubiyyət uşaqlara psixoloji cəhətdən də, təsir etdi. Biz qısa müddətdə toparlanıb qarşıdakı oyunlarda qələbə qazanmaqla, rəqiblərimizin xal itirməsini gözləyəcəyik. Artıq itirəsi heç nəyimiz qalmayıb.
-“Neftçi” Premyer Liqanın lideridi. Bu komandanın oyunları haqda nə deyərdin?
Onların öz dəst-xətti var. Optimal heyətlə oynayırlar.
-Bir mövsüm “Neftçi”də məşqçi kimi işlədin. Sonradan ayrılıb Qəbələyə gəldin. Səbəb nə idi “Neftçi”dən getməyinə?
Özünüz görürsüz ki, burda olan şərait “Neftçi”də yoxdu. Bu amil mənim bura gəlməyimdə başlıca rol oynadı. Həm də orda baş məşqçi dəyişikliyi oldu. Mən də köməkçi-məşqçi işləyirdim. Sonda bura gəlməyi daha üstün saydım.
– Neftçi”nin futbol akademyası ilə “Qəbələ”nin akademiyası arasında nə kimi fərq var?
Çox böyük bir fərq var. Burda futbolçuların yeməyindən tutmuş, xaricdə futbol oynamaqlarına kimi çox fərq var. Burda futbola yanaşma tam ayrıdı. “Qəbələ”nin futbol akademiyasında gələcəyin Ronaldosu, Messisi var. Sadəcə onları üzə çıxartmağa çalışmalıyıq.
Səxavət QURBANOV / Qəbələ
