“Bu məğlubiyyətlər Zaur Axundovu qane etmir” – Mladen Milinkoviç
28.10.2018 , 18:20
“Qısa müddətdə iki səhv etdik ki, rəqib də bundan yararlandı. İlk hissədə daha fəal olsaq da, rəqib üstünlüyə yiyələndi”
Bu sözləri Topaz Premyer Liqasının IX turunda səfərdə “Səbail”ə 1-2 hesabı ilə uduzan “Keşlə”nin baş məşqçisi Mladen Milinkoviç deyib. Serbiyalı mütəxəssis məğlubiyyəti şərh edib: “Fasilədən sonra “Səbail” azlıqda qaldı. Əvvəlcə 2, sonra hücumçu ilə oynadıq, amma təəssüf ki, 1 qol vurduq. Əlbəttə, bu məğlubiyyətlər klub prezidentini qane etmir. Bu gün rəqib qapıçı da yaxşı oynadı”.
Milinkoviç Vaqif Cavadovun əvəzlənərkən onun əlini sıxmaması barədə bunları deyib: “Futbolda emosiyalar qaçılmaz olur. Biz məğlub olurduq. Belə anda futbolçu əvəzlənmək istəmir. Onun skamyaya təpik vurmasını görmədim. Bəlkə də əsəbləşib, zərbə vurub. Ancaq bu gün biz 3 xal itirmişik”.
