“Qəbələ” Futbol Klubunun prezidenti Tale Heydərovun müsahibəsi
– Komandanızın 2-ci Qəbələ kubokundakı ilk oyununu necə dəyərləndirirsiz?
– Təəssüratım müsbətdi, rəqiblə başabaş oynadıq. Hesab edirəm ki, yaxşı başlanğıc oldu.
– “Qəbələ” son illər ölkə futbolunun inkişafı üçün addımlar atır. Yaxınlarda klubun akademiyasına yeni rəhbərin təyin olunması, əsas komandaya Yuri Syominin baş məşqçi gətirilməsi bu qəbildən olan addımlardandı. Necə hesab edirsiz, klubunuzun atdığı addımlar ölkə futbolunun yaxın gələcəkdə inkişafına nə kimi töhvə verəcək?
– Təəssüf ki, əsas komandamız hələ uğur qazan bilməyib. Baxmayaraq ki, qarşımıza hər mövsüm yüksək məqsədlər qoyuruq. Ancaq infrastruktur məsələlərinə diqqətimiz xüsusidi. Akademiyaya rəhbər təyin etdiyimiz Stenli Brard bu yaxınlarda Hollandiyada ən yaxşı akademiya direktoru mükafatına layiq görülüb. Yuri Syomin də vaxtilə “Lokomotiv”i çalışdırıb və müəyyən nəticələr qazanıb. Ümid edirik ki, bu kadrlar “Qəbələ”nin gələcəkdə daha böyük uğurlar qazanmasında rol oynayacaqlar. Rəhbərlik olaraq əlimizdən gələni edirik ki, klubumuz uğur qazansın.
Diqqət yetirirsizsə, çempionatdakı digər klublarımız da tanınmış baş məşqçilər gətirirlər. Bunun axır-əvvəl bir nəticəsi olacaq. Bir az səbir etmək lazımdı. Nəzərdə tutmuşuq ki, gələn ilin oktyabrınadək əsas stadionun inşasını başa çatdıraq.
– “Qəbələ” indiyədək bir çox tanınmış məşqçi ilə işləyib, ancaq tanınmış futbolçu almayıb. Qarşıdakı mövsüm daha tanınmış bir futbolçunu transfer edilməsi planlaşdırılırmı?
– Bizim əsas məqsədimiz akademiyanın uşaqlarına əsas komandada daha çox yer verməkdi. Artıq göstəriş verirlib ki, əsas komandaya akademiyanın futbolçularından da salınısn. Məşhur futbolçulara gəlincə, hesab edirəm ki, bunun üçün hələ tezdi. Bu həm büdcə baxımından, həm də komandamızın hazırlıq baxımından tezdi.
– Ola bilərmi növbəti illərdə Qəbələ kuboku böyük yaş qruplarından ibarət komandalar arasında da keçirilsin?
– Bəli, planda var, ancaq biz istəyirik ki, işlər tam başa çatsın.
Saleh Arslan
Qəbələ
