“Beşiktaş” “Mançester Siti”nin futbolçusundan əl çəkmir

“Beşiktaş” klubu “Mançester Siti”nin müdafiəçisi Joleon Leskotu transfer etməkdə israrlıdır.

Korner.az-ın məlumatına görə, bu barədə “The Sun” qəzetinə danışan klubun direktoru Öndər Özən mövsümün sonunda ingilis futbolçu ilə danışıqlara başlayacaqlarını bildirib:

“Leskotdan hələ də əl çəkməmişik. Onu yenə transfer etmək istəyirik və mövsümün sonunda futbolçu ilə rəsmi danışıqlara başlayacağıq”.

Qeyd edək ki, 31 yaşlı futbolçu 2009-cu ildən “Mançester Siti”nin şərəfini qoruyur.