"Beşiktaş" – "Akhisar (3-0) matçında tragikomik hadisə yaşanıb.
Korner.az-ın məlumatına görə, oyunda zədələnən "Beşiktaş"lı Filip Holosko xəstəxana əvəzinə paltardəyişmə otağına aparılıb.
Oyundan sonra "Olimpiya" Stadionundan ayrılan "Beşiktaş" Holoskonu özləri ilə aparmağı unudub.
Paltardəyişmə otağında unudulan slovakiyalı futbolçu stadion işçilərindən taksi çağırmalarını istəyib. Bundan sonra Holosko işçilərin köməkliyi ilə əsa vasitəsilə stadionu tərk edib.