“Barselona”nın prezidenti Jozep Bartomeu komandasının forvardı Neymarı “Mançester Yunayted”ə satmağa hazırlaşmır.
Korner.az-ın məlumatına görə, Kataloniya klubunun rəhbəri “Radio Catalunya”ya açıqlamasında belə danışıb:
“Neymarla yollarımızı ayırmaq istəmirik. O, hələ gəncdi və biz istəyirik ki, Neymar karyerasını bu klubda bitirsin.
Yaxın vaxtlarda onun müqaviləsinin uzadılmasını müzakirə edəcəyik, amma o, bizimlə nəinki 3, 5-10 il də qalmalıdı”.
Ötən gün xəbər yayılıb ki, “qırmızı şeytanlar” 23 yaşlı braziliyalı üçün 190 milyon avro ödəməyə hazırdılar.
