“Azərbaycanı məğlub etməsək, bu qələbənin heç bir əhəmiyyəti olmayacaq” – Perişiç
07.09.2019 , 16:58
Xorvatiya millisinin futbolçusu İvan Perişiç AÇ-2020-nin seçmə mərhələsində Slovakiyanı səfərdə 4:0 hesabı ilə məğlub etdikləri oyundan sonra açıqlama verib.
Korner.az xəbər verir ki, futbolçu sentyabrın 9-u Bakıda Azərbaycan yığmasına qarşı görüşə də toxunub:
“Düşünürəm ki, bu gün Rusiyadakı dünya çempionatındakı hər matçdan daha yaxşı oynadıq. Slovakiya ilə oyun əsas ola bilər. Amma Azərbaycanı məğlub etməsək, bu qələbənin heç bir əhəmiyyəti olmayacaq”.
Azərbaycan – Xorvatiya matçı saat 20:00-da “Bakcell Arena”da start götürəcək.
