"Simurq" daha bir futbolçu ilə rəsmi müqavilə qol çəki.
Korner.az-ın məlumatına görə, millimizin üzvü Ali Gökdəmir növbəti iki mövsümdə Zaqatala təmsilçisinin şərəfini qoruyacaq. Ötən il icarə əsasında Türkiyənin "Elazığspor" klubunda forma geyinən gənc müdafiəçi "Simurq"un heyətində "13" nömrəli forma ilə mübarizə aparacaq.
Qeyd edək ki, peşəkar futbolçu karyerasına Almaniyanın "Hannover 96" klubunda başlayan Ali Gökdəmir yığma komandamızın heyətində 10, U-21-də isə 3 dəfə meydana çıxıb.