20-ci böyükhesablı qələbə
30.04.2022 , 11:02
“Qarabağ” Azərbaycan kubokunda ev oyunlarında 20-ci böyükhesablı qələbəsini qazanıb.
Korner.az PFL-in saytına istinadən xəbər verir ki, bu, yarımfinalın “Qəbələ” ilə cavab matçına təsadüf edib. 5:0 hesabı ilə qalib gələn Ağdam klubu tarixinin yubiley qələbəsini rəsmiləşdirib.
Ölkə kubokunda 1993-cü ildə debüt edən “Qarabağ” evdə ilk böyükhesablı qələbəsini də həmin mövsümdə qazanıb. Ağdam təmsilçisi 1/16 finalda “Şəmkir”i də 5 cavabsız qolla üstələyib.
“Qarabağ” kubokda qazanılan böyükhesablı ev qələbələrinə görə rekordçudur.
