“Oyun barədə hər hansı bir sözüm yoxdur. Gücümüz budur. Premyer Liqaya vəsiqə qazandıqdan sonra biz heyəti yenə yerli futbolçulardan qurmağa çalışdıq”.
Korner.az-ın məlumatına görə, bu sözləri “Araz Naxçıvan” klubunun baş məşqçisi Əsgər Abdulayev Premyer Liqanın 10-cu turunda məğlub olduqları “Qəbələ” ilə oyundan (0:1) sonra keçirilən mətbuat konfransında deyib.
Ə.Abdullayev komandanı irəli apara biləcək futbolçulara ehtiyacı olduğunu vurğulayıb: “Premyer Liqanın hansı səviyyədə olduğunu bilirəm. Çempionatda bizim üçün oyunların çox çətin keçəcəyini dərk edirdim. Bizə elə futbolçular lazımdır ki, onlar komandanı irəli apara bilsinlər. İstəyim budur ki, Naxçıvan futbolu inkişaf etsin”.
