“Komandamızı hazır etmək üçün cəmi üç həftə vaxtımız oldu. Futbolçularıma inanıram, amma bəzi futbolçuların tam hazır olması üçün daha bir müddət vaxta ehtiyacı var”.
Bu sözləri Avropa Liqasının II təsnifat mərhələsində “Zirə”nin rəqibi olan “Astra”nın baş məşqçisi Edvard Yordanesku Rumıniya mətbuatına açıqlamasında deyib.
Yoxlama oyununda “Snaqov”a 8:0 hesabı ilə qalib gəldikləri oyundan sonra fikirlərini bildirən baş məşqçi “Zirə” ilə oyunöncəsi bu qələbənin əhəmiyyətli olduğunu vurğulayıb:
“Zirə” ilə oyuna hazırlaşmağa az vaxtımız oldu. Vacib oyundan əvvəl yoxlama matçı keçirməyimiz məni sevindirir. Komandada çox müsbət məqamlar gördüm. Ümid edirəm ki, Zirə” ilə matçda stadiona çox sayda azarkeş gələcək. Futbolçular belə qarşılaşmalarda dəstək hiss etməlidir. Mərhələ keçməyə qadir komandamız var”.
Qeyd edək ki, “Astra” və “Zirə” arasında ilk oyun iyulun 13-də Rumıniyada keçiriləcək.
