İspaniya La Liqasında mübarizə aparan “Real”ın (Madrid) baş məşqçisi Zinəddin Zidan dünən “Alaves”ə qarşı keçirilən matçdan sonra jurnalistlərə açıqlamalar verib.
Korner.az-ın məlumatına görə, İsko haqda danışan təcrübəli mütəxəssis:
“Yeni müqavilə imzalamasını istəyirəm. Bizim üçün önəmli oyunçudu. Burda oynamaq istəyir. Yalnız vurduğu qola görə deyil, meydanda komanda yoldaşlarına kömək etdiyinə görə, ondan məmnunam. Üç gündən bir önəmli oyunlara çıxırıq. İskoya ehtiyacımız var və oynadığı zaman həmişə yaxşı çıxış edir”.
“Alaves” üzərində qalibiyyəti də dəyərləndirən fransız baş məşqçi: “Çox yaxşı oynayan və asanlıqla məğulb edilə bilməyən bir komandaya qarşı oynadıq. Matça yaxşı başladıq, lakin ikinci hissədə pis oynadıq. Çox top itirdik və bunu etməməliyik”.
Xatırladaq ki, dünən La Liqada keçirilən “Real” – “Alaves” matçında meydan sahibləri 3-0 hesablı qələbə qazanıb.
