“Qəbələ”nin baş məşqçisi Yuri Syomin Rusiyanın Krıma ordu göndərməsini dəstəkləyir.
Korner.az-ın məlumatına görə, təcrübəli çalışdırıcı bu mövqeyini Rusiya mətbuatına açıqlamasında bəyan edib.
“Mən Krımda rus ordusunun olub-olmadığını bilmirəm. Onu bilirəm ki, orda ruslar yaşayırlar və onlar rəsmi Kiyevdən narazıdırlar. Mənim fikrimcə, bizim prezidentimiz ordakı rusları müdafiə etməklə düzgün addım atır. Məgər ABŞ başqa ölkələrdəki adamlarını müdafiə etmir?”, – deyə “Syomin bildirib.
Mütəxəssis bildirib ki, RUsiyanın Krımın qeyri-rus millətindən olan əhalisinə təzyiq etmədiyini göstərmək üçün oraya beynəlxalq müşahidəçilər dəvət etmək olar.
