"Qələbə qazandığımız üçün çox şadıq". Korner.az-ın məlumatına görə, bu sözləri "Xəzər Lənkəran" klubunun baş məşqçisi Yunis Hüseynov "Nomme Kalyu" ilə oyundan sonra deyib.
Avropa Liqasının I təsnifat mərhələsində Estoniya təmsilçsini səfərdə 2:0 hesabı ilə məğlub edərək, Cənub klubunun tarixinə düşən Hüseynov qələbəyə belə şərh verib:
"Bu mərhələdə çətin rəqiblə üzləşmişdik. İlk oyunda müəyyən problemlərimiz var idi. Ancaq bu gün ilk oyuna nisbətən bir qədər fərqli oynadıq. Məhz bu da bizə uğur gətirdi".