“İnter” klubunun müdafiəçisi Xuan Xesus “Neftçi” ilə oyun öncəsi maraqlı açıqlama verib.
Korner.az– ın məlumatına görə, 21 yaşlı braziliyalı müdafiəçi “Neftçi” ilə qarşılaşmanı o qədər də vacib saymadığını bildirib:
“Zədədən sonra özümü çox yaxşı hiss edirəm və tam gücümlə oynamağa hazıram. “Neftçi”yə qarşı oynayıb-oynamayacağım isə baş məşqçinin qərarından asılı olacaq. Əsas odur ki, özümü oynamağa hazır hesab edirəm. Şans verilsə, çıxıb komandama kömək edəcəyəm. A seriyada 12 xala malikik, amma bu xalların sayını daha da artırmalıyıq. Həftəsonu “Milan”la derbi oyunumuz var və həmin qarşılaşmadan qalib ayrılmaq istəyirik. Açığı, şəxsən mənə görə, “Milan”la oyun “Neftçi” ilə oyundan daha vacibdir”.
