Xabi “Bayer”də qalacağını təsdiqlədi
18.05.2023 , 14:51
Xabi Alonso gələn mövsüm “Bayer Leverkuzen”də qalacağını təsdiqləyib.
Korner.az xəbər verir ki, mütəxəssis bunula bağlı UEFA Avropa Liqasının yarımfinal oyunundan əvvəl təşkil olunan mətbuat konfransında deyib.
O, “Roma”nın baş məşqçisi Joze Mourinyo ilə bağlı da danışıb:
“Düzünü desəm, Mourinyonun ağlından nə keçdiyini bilmək asan deyil. O, xüsusi bir addır və komandaya qalibiyyəti necə aşılayacağını bilir. Meydanda güclü rəqib var, amma biz buna hazırıq”.
2024-cü ilin iyun ayına qədər müqaviləsi olan Xabi “Leverkuzen”lə 34 rəsmi oyunda orta hesabla 1,74 xal toplayıb.
Bu gün keçiriləcək “Bayer” – “Roma” oyunu Bakı vaxtı ilə 23:00-da start götürəcək.
