Premyer Liqanın XXVI turu çərçivəsində “Xəzər Lənkəran” səfərdə “Sumqayıt” klubu ilə qarşılaşacaq.
Korner.az-ın məlumatına görə, bu qarşılaşma komanda Sumqayıt şəhərini təmsil edən futbol klubları ilə ümumilikdə 21-ci matçı olacaq.
Qeyd edək ki, 2004-cü ildən bəri “Xəzər Lənkəran” komandası Sumqayıtın “Gənclərbirliyi”, “Standard”, “Sumqayıt Şəhər” və “Sumqayıt” klubları ilə üst-üstə 20- dəfə üz-üzə gəlib. Bu qarşılaşmaların 13-də qalib gələn komanda yalnız bir dəfə, 2013-cü il may ayının 13-də ilk və hələlik son dəfə Sumqayıt təmsilçilərinə məğlub olub. Cütlüyün 6-matçında qalib müəyyənləşməyib. “Xəzər Lənkəran” Sumqayıt təmsilçilərinin qapısından keçirdiyi 48-topun qarşılığında öz qapısında cəmi 13-top görüb. Onu da əlavə edək ki, cütlüyün indiyə qədər keçirdiyi 20-oyunundan 18-görüşü çempionat və cəmi 2-si kubok matçları olub. Daha çox diqqət çəkən məqam odur ki, “Xəzər Lənkəran” uzun müddət idi “Sumqayıt”ı məğlub edə bilmirdi. Komanda sonuncu dəfə “Gənclik şəhəri”nin təmsilçisini 2011/2012 mövsümündə (2012-ci il mart ayının 3-də) 3:0-hesabı ilə məğlub etmişdi. O vaxtdan bu yana keçirilən 5-oyunun 4-də heç-heçə qeydə alınmışdısa bir qarşılaşmada hətta “Sumqayıt” minimal hesabla qalib də gəlmişdi.
Yalnız 6-cı matçda (2013-cü il dekabr ayının 20-də) komandamız 4:3-hesabı ilə qələbə qazanaraq bu əcaib sindromu qıra bildi.
12cioyuncu
