“Simurq”un son turda səfərdə AZAL-ı məğlub etməsi klubun prezidenti Anar Bəkirovun fikrini kökündən dəyişib.
Korner.az-ın məlumatına görə, “Xəzər Lənkəran”ın, eləcə də “Bakı”nın məğlubiyyəti fonunda ilk “üçlüy”ə düşmək şansının reallığını görən Bəkirov məşqçilər korpusunu bir araya yığaraq avrokuboklara vəsiqə uğurunda mübarizə aparacaqlarını bilidirib.
Qeyd edək ki, hazırda “Simurq” 33 xalla 6-cı pillədə qərarlaşıb. Zaqatala klubunu 3-cü pillədən 9 xal ayırır ki, Bəkirov da bu fərqin aradan qaldırılmasını mümkün sayır. Bir sözlə, artıq Çixradzenin qarşısına avrokuboklar hədəf kimi qoyulub.