Avropa Liqasında mübarizəni dayandıran “Xəzər Lənkəran” Topaz Premyer Liqasının ilk turuna hazırlıqlara start verib.
Korner.az-ın klubun rəsmi saytına istinadən verdiyi məlumata görə, məşqlərini Lənkərandakı bazasında davam etdirən komandanın bugünkü səhər məşqi saat yarım sürüb. Uelsli baş məşqçi Con Toşak anasının vəfatı ilə əlaqədar olaraq vətəninə yollandığından hazırlıqlara onun köməkçisi Emin Quliyev rəhbərlik edib.
Futbolçular son məşqdə taktiki çalışmaları yerinə yetiriblər. Sıralarında zədəli futbolçu olmayan “Xəzər Lənkəran” səfər oyununa tam heyətlə hazırlaşır. Bu gün axşam saatlarında Böyük Britaniyadan qayıdacaq Toşak hazırlıqlara sabahdan nəzarət edəcək.
