2013-2014-cü il Azərbaycan Çempionatı “İnter” üçün sayca 10-cu olacaq.
Korner.az-ın klubun saytına istinadən xəbər verir ki, bu material komandamızın ölkə birinciliyindəki tarixi barədədir və “İnter”in ölkə çempionatlarındakı ən vacib qələbələri və uğursuzluqlarını xatırlamağa çalışacağıq.
2004/05: Birinci mövsüm-7-ci yer
Qalmaqal və boykotlardan yenicə uzaqlaşmış Azərbaycan futbolunda 2004/05-ci il mövsümü öncəsində bir necə yeni ambisiyalı klub meydana çıxdı. Onlardan biri də “İnter” idi. Anatoli Konkovun yetirmələri mövsümü pis başlamadılar və qız fasiləsinədək komanda cəmi iki dəfə məğlubiyyət acısını yaşadı. Lakin turnirin ikinci hissəsində “İnter”ə sabitliyi qoruyub saxlamaq mümkün olmadı, nəticədə klub mövsümü 7-ci yerdə başa vurdu. Komanda finiş xəttini 66 xalla keçdi.