Premyer Liqanın XXVII turunda doğma meydanda “Sumqayıt” klubu ilə qarşılaşacaq “Xəzər Lənkəran” növbəti məşqini keçirib.
Korner.az-ın məlumatına görə, komanda öncədən planlaşdırıldığı kimi martın 28-də də iki dəfə məşq edib. Saat 11:00-da və saat 17:00-da etibarən ehtiyat meydançada baş tutan hazırlıq prossesləri ümumilikdə 4-saata yaxın davam edib. Covanni Melkiore zədəli futbolçu Ruslan Cəfərovla ayrıca fərdi qaydada məşğul olunca komanda gün ərzində toplu çalışmalara və taktiki hazırlığa daha çox vaxt ayırıb. Bir gün əvvəl olduğu kimi yenə də milli komandaların düşərgələrində olan üç futbolçu məşqə qatılmayıblar.
