Gəncənin “Kəpəz” klubunun Xəmsə” fan klubu Avroliqada yoluna uğurla davam edən “Qarabağ”ı təbrik edib.
Korner.az həmin təbriki olduğu kimi sizə təqdim edir:
Təbriklər Qurban bəy. Təbriklər Qarabağ azarkeşləri.
Ölkəmizi Avropada təmsil edən klublar növbəti görüşlərini keçirdilər. Təmsil etdilər deyəndə yaxşı çıxmır. Biraz da dəqiqləşdirsək, Avropanı növbəti dəfə gəzdilər. “Neftçi” özünü qırıcı təyyarə hiss edib, göylə getdiyini zənn etsə də, “Skenderbeu”ya onu vurmaq üçün adi ov tüfəngi bəs etdi. Beləliklə albanlar “Neftçi”nin hava şarından başqa bir şey olmadığını sübut etdi. Lənkəranda nəyin baş verdiyini ümumiyyətlə şərh etməyə ehtiyac yoxdur. Yubileyə yubiley hədiyyəsi 10-0! 10 il ərzində komandaya xərclənən pulu toplasaq, yeni bir şəhər və həmin şəhərdə yeni bir futbol klubu yarada bilərik. “İnter”lə vəziyyəy bir az fərqlidir. Komanda norveçli rəqibini yenmək üçün çox çalışsa da, heç nə alınmadı. Səbəblər fərqli olsa da nəticə yenə eyni oldu, azarkeşlər növbəti dəfə üzüldü
Üzümüzü yalnız “Qarabağ” güldürdü. Ağdamlılar Polşa “Pyast”ı ilə hesabı açdıqları səfər görüşünün əsas vaxtında məğlub olsalar da, əlavə olunmuş dəqiqədə lazım olan qolu vura bildilər. Beləliklə, “Qarabağ” Avropa səhnəsində tək qaldı…
Əslində Qurban Qurbanovun yetirməli illərdir ki, heç kimə güvənmədən tək başına vuruşurlar
Ölkəmizi layiqincə təmsil edirlər. Bu dəfə də onların adətlərini pozmayacaqlarına inanırıq və güvənirik. Təbriklər Qurban bəy. Təbriklər Qarabağ azarkeşləri. Uğurlarınızın ardı gəlsin
