Avropa Liqasının II təsnifat mərhələsinin cavab oyununda “Makkabi”yə biabırçı şəkildə məğlub olan (0:8) “Xəzər Lənkəran” azarkeşləri bu gün saat 20:00-da Lənkəran Şəhər Mərkəzi Stadionunda rəhbərliyi istefaya çağırmağı planlaşdırırdılar.
Korner.az-ın məlumatına görə, ancaq bu aksiya baş tutmayıb. Belə ki, azarkeşlər stadionun yaxınlığındakı Sütəmurdov körpüsündə polis zorakılığına məruz qalıblar. Bir neçə fanat, o cümlədən futbolpress.az saytının əməkdaşı Elvin Cəbiyev tutularaq şöbəyə aparılıb. Maraqlısı budur ki, polis işçiləri arasında mülki geyimli şəxslər də olub.
Əldə etdiyimiz məlumata görə, saxlanılanlar artıq sərbəst buraxılıb