(1).jpg)
Bu həftə Premyer Liqada XXV turun oyunları keçiriləcək. Bir gündə baş tutan ötən turdan fərqli bu dəfə matçlar 3 gün ərzində oynanılacaq.
Korner.az-ın məlumatına görə, Peşəkar Futbol Liqasının rəsmi saytı qarşıdakı turda üz-üzə gələcək cütlərin ölkə çempionatları tarixindəki əvvəlki qarşılaşmalarının balansını təqdim edir.
XXV tur, 5 aprel (cümə)
145. “Qəbələ” (Qəbələ) – “Simurq” (Zaqatala)
+6=4-6, top fərqi – 17:14
İndiyədək eyni sayda qələbə qazanan komandaların oyunlarında “Qəbələ” top fərqində üstünlüyə malikdir. Lakin son 5 matçda öz meydanında oynayan komanda qələbə qazana bilmir.
6 aprel (şənbə)
146. “Bakı” (Bakı) – “İnter” (Bakı)
+13=7-12, top fərqi – 26:23
33-cü paytaxt derbisi ərəfəsində “Bakı” minimal üstünlüyə malikdir. Lakin son 3 oyunda onlar rəqib qapısına yol tapa bilməyib. Ümumiyyətlə başa çatan son 6 oyunda 1-dən artıq qol vurulmayıb.
147. “Neftçi” (Bakı) – “Qarabağ” (Ağdam)
+16=20-14, top fərqi – 48:41
Əzəli rəqiblərin 51-ci dueli ərəfəsində “Neftçi”nin cüzi üstünlüyü var. Amma bakılılar cari mövsümə təsadüf edən hər 2 matçda minimal hesabla uduzub. “Neftçi” öz meydanında 2 qol vurarsa “Qarabağ”la qarşılaşmalarda yubiley – 50-ci qolunu rəqib qapısından keçirmiş olacaq.
148. “Kəpəz” (Gəncə) – “Xəzər Lənkəran” (Lənkəran)
+1=1-8, top fərqi – 7:18
Son 5 oyunda rəqibinə 1 xal da verməyən “Xəzər Lənkəran” çempionatın autsayderi ilə görüşlərdə böyük üstünlüyə malikdir.
7 aprel (bazar)
149. “Rəvan” (Bakı) – “Sumqayıt” (Sumqayıt)
+4=1-1, top fərqi – 8:5
Son dueldə rəqibinə uduzan “Rəvan” indiyədək baş tutan 6 matçda üstünlüyə malikdir. Bu komandaların oyunlarında qonaqlar daha üstün çıxış edir. Onlar cəmi 1 dəfə meydanı xalsız tərk edib.
150. AZAL (Bakı ) – “Turan” (Tovuz)
+10=6-4, top fərqi – 25:14
21-ci dəfə qarşılaşacaq rəqiblərin son oyunlarında AZAL böyük üstünlüyə malikdir. Lakin son 2 oyunda bakılılar qol da vurmayıb. Son 6 qarşılaşmada vurulan bütün qollar isə qonaqların qapısına vurulub.
