Azərbaycanı və “Qəbələ” boks klubunu peşəkar arenada təmsil edən Fariz Məmmədovun 2013-cü ildə keçirdiyi ilk reytinq döyüşündə qələbə qazanması barədə məlumat vermişdik.
Korner.az-ın məlumatına görə, Almaniyanın paytaxtı Berlinin “Merkur” arenasında baş tutan döyüşdə Məmmədovun rəqibi 36 yaşlı polşalı boksçu Mariuzs Biskupski olub. Altı raundluq reytinq döyüşü Farizin xal hesablı qələbəsi ilə başa çatıb.
Bu, səkkiz illik fasilədən sonra Məmmədovun peşəkar rinqdə ikinci döyüşü olub. Bundan əvvəl o, erməni boksçu Jeqise Tomazyana nokautla qalib gəlmişdi.
