Son vaxtlar “Neftçi”dən ayrılacağı bildirilən Julius Vobay yenidən bu komandaya qayıdıb.
Korner.az-ın “Futbol+” qəzetinə istinadən yaydığı xəbərə görə, iyun ayında paytaxt klubu ilə müqaviləsi başa çatan afrikalı futbolçu hazırda Avstriyada hazırlıq prosesində olan komandanın dünənki məşqinə qatılıb.
Məlumatda deyilir ki, Vobayla yeni müqavilənin şərtləri razılaşdırılıb. O, klub rəhbərliyinin irəli sürdüyü şərtlər altında oynamağa razılıq verib.
Bu gün futbolçu ilə bir illik müqavilənin imzalanacağı gözlənilir.
