“Bakı” öz oyun üslübuna görə seçilir".
Korner.az-ın məlumatına görə, AZAL klubunun baş məşqçisi Vaqif Sadıqov Premyer Liqanın XI turu çərçivəsində "Bakı" ilə keçirilən oyundan sonra bildirib.
“İlk öncə komandamı təbrik edirəm. Oyunun çətin keçəcəyini bilirdik. Həmişə sürətli oyuna üstünlük vermişik, rəqib komandaya pressinq tətbiq edirik. İlk hissədə bu oyun üslübu bizdə alındı. Qapımızdan qol buraxdıqdan sonra ruhdan düşmədik. Hesabda irəli olduqdan sonra isə komanda müdafiəyə çox çəkildi. “Bakı” bundan istifadə edib bir neçə qol imkanı yaratdı. Bundan öncə “Simurq”la səfər oyunda çox güc sərf etmişdik. “Bakı” öz oyun üslübuna görə seçilir. Bugünkü oyunda hücum xəttində üç futbolçunun olması bizi təəccübləndirdi. Əzmkar qələbə qazandığımız üçün şadam, vacib üç xal əldə etdik. Yeni komanda formalaşdırırıq, qarşımızda duran ilk vəzifə “altılığa” düşməkdir. İnanıram ki, “Bakı” bu oyunu ilə tezliklə nəticə qazanacaq”.
