Mehmet Topal və Tino Kosta ilə yollarını ayıracaq "Valensiya" yaranacaq boşluğu Türkiyədən alınacaq bir futbolçuyla doldurmağı planlaşdırır.
Korner.az "Milliyyət" qəzetinə istinadən xəbər verir ki, ispan klubunun göz dikdiyi oyunçu ötən mövsümü icarə əsasında "Qalatasaray"da keçirən Felipe Melodu. Müqavilə əsasında "Yuventus"a məxsus olan braziliyalı havbek Mehmet Topalın "Fənərbağça"ya satılmasından əldə olunacaq 7 milyon avro ilə transfer ediləcək. Melo özü də "Qalatasaray"dan getmək haqda düşünür. Buna səbəb klub rəhbərliyinin hələ də onunla yeni anlaşma üçün masa arxasına oturmamasıdı.
