“Vəzifəm qol vurmaqdır”
17.02.2022 , 20:58
“Doğum günümü Azərbaycanda ilk dəfə qeyd edəcəyəm. Təbii ki, bizim üçün önəmli gündür. Çox şükür, sağlam, xoşbəxt, ailəm də yanımda olmaqla daha bir ili geridə qoyuram”.
Korner.az xəbər verir ki, bu sözləri “Neftçi”nin futbolçusu Tiaqo Bazerra klubun rəsmi saytına açıqlamasında deyib.
Braziliyalı hücumçu gec-gec qol vurmağı haqda bunları bildirib: “Daha çox qol vurmalıyam. Bununla belə, burada xoşbəxtəm. Hər oyunda qol vurmaq istəyirəm və buna çalışıram. Çoxdandır fərqlənmədiyimə görə narahatam. Yaxşı başa düşürəm iki, hücumçuyam və vəzifəm qol vurmaqdır, amma çox inanıram ki, yaxın zamanlarda çətin günlər geridə qalacaq və qollar, qələbələr ard-arda gələcək”.
O, Azərbaycan kubokunun yarımfinalında qarşılaşacaqları “Keşlə” haqda da danışıb: “Çox vacib oyundur. Rəqibə hörmətlə yanaşırıq, amma qələbə qazanıb ilk “üçlük”dəki komandalarla xal fərqini azaltmalıyıq. 2:0 hesabı ilə öndə olmağımıza rəğmən 3:2 hesablı məğlubiyyəti unutmamışıq. Revanş almaq üçün yaxşı şans olacaq. Əlbəttə, hər oyunda qol vurmaq istəyirəm. Məşqçinin seçiminə hörmətlə yanaşıram. Mənə şans verilsə, özümü ən yaxşı tərəfdən göstərib, qol vurmağa çalışacağam”.
Bazerra sonda azarkeşlərə səslənib: “Təəssüf ki, bəzən azarkeşlərin ümidlərini doğrulda bilmirik. Bu mövsüm Azərbaycan Kubokunu qazanmaq istəyirik. Neçə ildən sonra ilk dəfə yarımfinala adlamışıq. Buna görə çox şadıq. İnanıram ki, tezliklə tamamilə fərqli “Neftçi” görəcəyik”.
