Avropa Liqasının ikinci təsnifat mərhələsi çərçivəsində “Qəbələ” Serbiya “Çukariçki”sini öz meydanında yox, Bakıda qəbul edəcək.
Korner.az-ın məlumatına görə, “qırmızı qaralar”ın Tiflis “Dinamo”su ilə oyunundakı məlum olaylar komandanın cəzalanmasına səbəb olacaq.
UEFA klubun ev oyunlarını keçirdiyi Qəbələ şəhər stadionunu diskvalifikasiya etməsi gözlənilir. Məhz buna görə də, “Qəbələ” klubunun rəhbərliyi bununla bağlı müvafiq tədbirlər görməyə başlayıb. Belə ki, “Qəbələ” “Çukariçki”ni “Bakcell Arena”da qəbul etmək üçün danışıqlara başlayıb.
Qeyd edək ki, “Qəbələ” ilə “Çukariçki” arasındakı cavab oyunu iyulun 23-də baş tutacaq.
