UEFA-dan “Qəbələ”yə ödəniş
18.12.2023 , 15:12
UEFA Gənclər Liqasının 2023/2024-cü illər mövsümünün ödəniş siyasətinə uyğun olaraq, 30 000 (otuz min) avro vəsait UEFA tərəfindən AFFA-nın vasitəçiliyi ilə “Qəbələ” klubunun hesabına köçürülüb.
Korner.az xəbər verir ki, bu barədə AFFA-nın mətbuat xidməti məlumat yayıb.
“Qəbələ”nin U-19 komandası Gənclər Liqasında mübarizəni ikinci mərhələdə dayandırıb. “Qırmızı-qaralar” birinci turda “Puşkaş Akademiya”nı mübarizədən kənarlaşdırsa da, növbəti mərhələdə “Olimpiakos”la (Yunanıstan) bacarmayıb.
