Bu gün Türkiyə Superkubokunun qalibi bəlli olub.
Korner.az-ın məlumatına görə, son Türkiyə Superliqasının çempionu olan "Qalatasaray" "Fənərbağça" ilə üz-üzə gəlib.
Çoxları "Fənərbağça"nın may ayında itirdiyi çempionluğun əvəzini bu matçda çıxacağını düşünsə də, Aykut Kocamanın yetirmələri bu sınaqdan da çıxa bilməyiblər.
Ərzurumda keçirilən görüşdə hesabı "Cim-bom" açıb. 19-cu dəqiqədə yeni transfer Umut Bulut adını tabloya yazırıb. İlk hissənin tamamında isə "sarı-bülbüllər"in heyətində Aleks de Souza hesabı bərabərləşdirib. Fasilədən sonra da tərəflər hərəyə bir dəfə fərqləniblər. Görüşün əlavə dəqiqələrə uzanacağını gözləyən azarkeşlər son dəqiqədə "sarı-lacıvərdlilər"in qapısına penalti təyin olunmasının şahidi olublar. Topa yaxınlaşan və qələbə topunu vuran Səlçuk İnan Türkiyə Superkubokunu "Qalatasaray"a qazandırıb.
12 avqust
Türkiyə Superkubokunun oyunu
"Qalatasaray" – "Fənərbağça" – 3:2
Qollar: Umut Bulut, 19 (1:0), Aleks, 45+3 (1:1), Umut Bulut, 58 (2:1), Kuyt, 66 (2:2), Səlcuq İnan, 90-pen (3:2)
Qırmızı vərəqə: Engin Baytar, 67 ("Qalatasaray")