Tanınmış türkiyəli veteran futbolçu Fatih Təkkə baş məşqçiliyə başlayıb.
Korner.az-ın məlumatına görə, “Trabzonspor” və “Zenit”dəki çıxışı ilə məşhurlaşan 38 yaşlı mütəxəssis bundan sonra “Ərciyyəspor”u çalışdıracaq.
Klub prezidenti Ziya Ərən yerli mətbuata açıqlamasında Mehmet Özdiləkin istefasından sonra baş məşqçi axtarışlarına çıxdıqlarını və artıq Fatih Təkkə ilə anlaşdıqlarını bildirib. Təkkə 2014/15 mövsümündə “Ərciyyəspor”u meydana çıxaracaq 4-cü baş məşqçi olacaq.
Ona qədər bu mövsüm müvafiq olaraq Bülənt Qorxmaz, Uğur Tütünəkər və Mehmet Özdilək Kayseri klubuna rəhbərlik edib. Komanda Türkiyə Superliqasında 25 turdan sonra 20 xalla turnir cədvəlinin 16-cı pilləsində qərarlaşıb.
Qeyd edək ki, 2012-ci ildə futbolçu karyerasını bitirən Fatih Təkkə ilk dəfə baş məşqçi kimi fəaliyyət göstərəcək.