"Avro-2016"nın seçmə mərhələsində millimizin rəqibi olan Norveç yığması yoldaşlıq görüşündə qüvvəsini sınayacaq.
Korner.az-ın Norveç Futbol Federasiyasının rəsmi saytına istinadən verdiyi məlumata görə, iyun ayında baş tutacaq görüşdə yığmamızın rəqibi öz meydanında İsveç millisi ilə qarşılaşacaq.
Norveç – İsveç oyunu iyunun 8-də, "Ullevaal" stadionunda keçiriləcək. Bu görüşdən 4 gün sonra Norveç yığması "Avro-2016"nın seçmə mərhələsində evdə millimizi qəbul edəcək.
Qeyd edək ki, Norveç – Azərbaycan oyunu Bakı vaxtı ilə saat 23:45-də başlayacaq.
